特別靚都爾仲好

不死鸟

第二場五班1650米（泥地）。「乘風破浪」今季正式轉4歲成熟年，告達理再無任何顧慮，暑期後復課務必要將此駒及早推進，態度十分堅定，也無半點保留，今第二戰矛頭直指田泥1650米，可謂信心一擊，不再拖拖拉拉。
剛於草戰1600米熱身過一回，為確保馬匹泥地準確命中，上賽草地就當演習，對實際戰鬥力的提高，很有幫助，晨課印象是狀態早已到位，但大告作風一貫甚穩陣，不打無把握之仗，「乘風破浪」去季雖然泥地一再展示強而有力後衝，今季就算要推進，也得先試試目前進展，草地是此駒弱項，露光可能性不大，故馬房放心熱身，大敗毋須介懷。今再經過精心打磨，確認狀態充份到達，由夾慣夾熟的馬偉昌操刀，贏面彌高。
第一場四班1000米（草地）。「特別靚」由有賠率追到今次冇賠率，實在不想因此放手，勞愛德與此駒根本唔多夾，論盡一次又一次，早段例慢馬更需要都爾呢類騎師，判斷要準要快，睇位要通，末段後勁點擋！