紐卡素殘兵難擋熱刺

猪拉多纳

(日)37 紐卡素 VS 熱刺

排緊第7位嘅熱刺唔單止要為歐霸盃參賽資格而戰，陣中嘅「哈神」哈利卡尼仲要爭逐英超神射手、球員先生同最佳年輕球員3大獎項，剩番最尾6場聯賽梗係唔可以鬆懈，今場作客近7戰輸足6場嘅紐卡素，熱刺讓平半，1.89倍嘅上盤抵玩喎！

（now 621周日晚11時直播）
「哈神」爭獎項實搏盡

哈利卡尼今季為土炮球員爭番啖氣，不過任務仲未完成，最好梗係擸多一兩個個人獎項。「哈神」依家以19個聯賽入球同車路士嘅迪亞高哥斯達以及曼城嘅阿古路並排射手榜首位，「迪哥」養傷，「阿古獸」狀態飄忽，「哈神」唔係冇機攞英超金靴獎！日前英格蘭職業足球員聯會更公布球員先生同最佳年輕球員最後6強名單，哈利卡尼仲勁到「叫兩飛」，認真威威！

「哈神」今場對住紐卡素，又係起筷好時機，「喜鵲」傷停問題嚴重，除咗迪奧迪、杜密特、希達拉等一大堆傷兵外，仲有兩大尖刀柏比斯施斯同穆沙施素高停賽，呢隊波喺卡華領軍下踢嚟冇厘神氣，今場受讓都唔好掂，一於捧熱刺上盤喇！