聚有盈落班形勢好

不死鸟

第一場第5班1200米。李易達馬房?「開心假日」上仗季內初出爭田草1200米跑第七，負給頭馬「順利多」三又二分一馬位，睇表面賽績唔起眼，但陣中走勢有勁，顯見7歲老馬戰鬥力未減，目前評21分跑5班賽有迴旋餘地，熱身後火氣冒升，今次排1檔好位兼用卓利操刀，乘勢出擊可期重開勝門。「高駿」敗後重新打磨態況納入正軌，操勇重返勝途，馬房出王牌上陣，贏馬決心顯露。
第二場第4班2000米。「衝勁直前」近兩戰在田草4班賽分別得1亞1殿成績表現不俗，尤以上場1800米拚入第二走勢可人，賽後被加2分，顯見評磅員不睇小呢匹8歲老馬，拚後復課火氣依然，今次增程跑2000米，對牠更利追趕，韋達不放手必有所圖，藉態勇路合力足補中。「揀得正」熱身後態況勇進，落4班有利可圖，轉倉馬未交代必進取，潘頓發揮水準有力爭勝。
第三場第3班1000米。「齊歡唱」實力有幾高都唔使多講，睇番上仗季內在港首戰以無敵姿態贏馬就可印證，賽後被評磅員重手加其16分話?畀你知牠幾厲害，勝後勇熟更進，今次雖升上3班角逐，但對手難抵擋其鋒，連捷呼聲高唱。「常山鳳寶」省過兩場勇況勝前，易位難贏面對強敵，爭一位可做到。
第四場第4班1200米。「聚有盈」暑期評磅員重手減其5分可落回4班作戰形勢大好，練者近期操練力磨有決心爭功，連番安排試草地谷起其心火，勤操打磨下勇態攀升甚佳有贏馬時水準，韋達（左圖）取回策騎權有力贏馬交代。「傳奇快車」上季新馬賽有贏「金堡龍華」佳績，插入4班不蝕低，操足而臨，前駒有失可代之而起。