井原桑有料撐福岡黃蜂

猪拉多纳

今日嘅日本波以日乙賽事作主打，當中近況甚弗嘅福岡黃蜂會喺主場對岡山綠雉。黃蜂今季由新教頭、前日本國家隊隊長井原正巳執教鞭，開季3場輸晒表現麻麻。正當大家以為「井原桑」冇料嘅時候佢先使出真功夫，黃蜂之後10場竟然未輸過，取得7勝3和嘅佳績，好明顯「井原桑」經過嗰3場敗仗後，已經搵到黃蜂嘅最佳踢法，所以成績穩步上揚。
岡山綠雉殘陣態平

黃蜂現時排喺日乙第5，落後榜首嘅磐田山葉4分，只要繼續保持踢法，相信好快就可以進佔前列位置。黃蜂前線組合中原貴之及城後壽近期合力攻入9球，係隊中最具威脅嘅組合，今仗面對都係由新帥長澤徹領軍，但近況麻麻仲要有中場篠原弘次郎未好番，另一中場田中奏一及前鋒小林秀征上陣成疑嘅岡山綠雉，要贏波並非難事，平手盤捧主隊黃蜂。

（周日中午12時開賽）