車仔盡數黑貓賀捧盃

猪拉多纳

英超盟主車路士主場對新特蘭，好可能成為車仔門將施治同射手杜奧巴嘅告別戰！領隊莫連奴被影到喺酒店密會曼聯行政總裁伍德沃德及施治經理人，唔使審應該係傾呢位捷克鋼門前途問題，「寸王」親自出馬，相信好快拍板成交。至於37歲杜奧巴今夏約滿，或會轉為擔任莫帥助教。

（now 621周日晚10時直播）
施治杜奧巴臨別擔正

曼聯由行政總裁伍德沃德親自出面力斟，施治似乎最大機會成「魔」，由於迪基亞可能轉投皇馬，曼聯急於搵1位可靠門神代替，雙方或一拍即合。莫連奴透露會派施治正選對新特蘭，擺明早已安排好歡送佢。

至於杜奧巴今季重返車仔只簽1年合約，事關佢已同莫連奴有協議，收咧後掛靴做助教。由於法比加斯停賽、夏薩特做完剝牙手術缺陣，奧斯卡杜斯山度士同拉美利斯養傷，杜奧巴今場可望擔正全力盡胡，留下美好回憶。新特蘭剛護級成功，可以鬆一口，亦無謂破壞車仔捧盃派對，直取讓球主勝。