曼城大騷為三將餞行

猪拉多纳

繼紅軍主場送別謝拉特後，今晚輪到曼城為林柏特搞Farewell，「林伯」今季由「姐妹球會」紐約城借到曼城，屢建奇功，包括倒戈射破車仔大門，極速成為球會「名宿」，地位舉足輕重，話唔定將來，又要呢位「福將」返來救亡。另外兩位中場耶耶托尼同占士米拿盛傳離隊，今晚主場對修咸頓，做場「大」騷，為3人餞行，簡單揀入球大。

（now 622周日晚10時直播）

曼城篤定成為亞軍，最好用來當作告別戰。領隊比歷連尼肯定畀林柏特擔正，相信隊友今場會全力為「林伯」助攻，以入波當告別禮物。
耶耶占士米拿勢他投

至於耶耶托尼據悉已同國際米蘭達成加盟協議，將同前曼城主帥文仙尼再續前緣，佢狀態弗爆，上仗梅開二度。拒絕續約嘅占士米拿，受到阿仙奴及利物浦垂青，要顯身價，博新球會高薪搶人。修咸頓仲有機會爭下屆歐霸盃入場券，繼續搏殺搶分，同曼城駁火。