銀河趁勢打殘鹽湖城

猪拉多纳

羅比仔復出即贏波

今日雖然盃賽當道，但唔好忘記仲有3場美職，其中上季聯賽總冠軍洛杉磯銀河聽朝喺主場迎戰皇家盬湖城，銀河啱啱走出之前連場不勝悶局，加上羅比堅尼傷愈復出，主W乃過關穩膽。

（周四早上10時30分開賽）

雖然銀河上季勇奪總冠軍，但功勳隊長當路雲隨即宣布掛靴，而代替佢擔任「喼噸」嘅羅比堅尼亦因傷抖咗7場，對球隊影響極大，一度試過五場不勝，難怪目前只係排西岸中游。好彩羅比仔上仗對侯斯頓戴拿模終於復出，仲助攻拍檔阿倫哥頓建功帶領銀河贏波止住頹勢，有呢位精神領袖助陣，成班球員即時生晒。

皇家盬湖城只係同銀河同分，今仗仲有施巴斯坦占美同基斯舒奧拿受傷患困擾未必出得，況且佢哋今季作客只得2勝2和2負，表現一般，銀河主W絕對係過關穩膽。
華聯頻撲明醒伐木者

另一場美職波特蘭伐木者主場對華盛頓聯隊，伐木者上仗力戰僅敗FC多倫多表現唔曳，而「華聯」本身有艾迪莊遜、哥連馬田、艾斯賓杜拿及米高法芬等成籮十字兵，連埋今仗已經係連續3場作客比賽，舟車勞頓下隨時跌Watt，捧番伐木者主W。最後係傍晚開波嘅日聯盃B組賽事，神戶勝利船主場硬撼清水心跳，前者有馬昆奴斯、中場三原雅俊及安田理大有傷在身，不過心跳後防近排慌失失，不妨轉玩入球大。