FC東京折箭搶出線

猪拉多纳

日聯盃A組賽事，廣島三箭主場迎戰FC東京。廣島三箭王牌射手佐藤壽人傷愈冇耐，而且之前所見球隊唔多重視日聯盃，讓唔起今屆分組賽未輸過、作戰態度認真得多嘅FC東京，主隊讓平半宜捧下盤。

（有線61及201台周三晚6時直播）
武藤嘉紀腳風順

廣島三箭上周末日職以四比二大破新潟天鵝，暫以四分落後浦和紅鑽排第二，仍有機會爭逐聯賽首階段冠軍。王牌前鋒佐藤壽人上場剛剛傷愈復出，為免觸傷舊患影響聯賽爭標，今仗好大機會休息。事實上，三箭之前分組賽多以副選上陣，頭四輪只得一勝足證爭標意欲不大。相反FC東京對待日聯盃明顯肉緊得多，上輪憑人氣射手武藤嘉紀梅開二度擊敗甲府風林，保持分組賽四戰不敗高踞此組榜首，FC東京今場只要贏波便可提早出線八強，戰意遠勝主隊，客軍仲有得受讓平半，下盤不容錯過。