阿聯維拉利爾大騷娛賓

猪拉多纳

今晚有場熱身賽，由阿德萊德聯喺主場同維拉利爾，博1.48倍入球大啦！事關「澳職巴塞」阿德萊德聯鍾意進攻多過防守。維拉利爾有3個前鋒波監刑滿，何況首席射手杜斯山度士唔使踢美洲盃，呢場梗要發威啦！

（有線61、64、201及203周五晚6:00直播）
阿聯大踢進攻足球

阿德萊德聯教練甘巴爾曾經將傑志打造成港版巴塞，崇尚進攻足球。雖然阿聯喺季後賽以1:4不敵FC悉尼出局，之不過佢哋就算輸都要轟轟烈烈。仲有呀，中場占士捷高傷愈復出，相信今場對住西甲球隊，唔會突然死守咁衰仔嘅。
維拉利爾3射手復出

另邊廂嘅維拉利爾。喺西甲收咧戰淨吞畢爾包4強，輸得勁肉酸，好在上場停賽嘅前鋒杜斯山度士、烏捷同魯卡維拿，可候命復出，當中杜斯山度士獲得免役唔使幫墨西哥國家隊踢美洲國家盃，講明會落場數胡，開入球騷唔難喎！