星二代撐起阿根廷U20

猪拉多纳

歐洲各大聯賽陸續收鑼，阿King轉玩喺新西蘭舉行嘅世青盃，呢項賽事一向係球星搖籃，捧盃次數最多嘅阿根廷自然特別受關注，馬納當拿、沙維奧拿、美斯、阿古路一代接一代，人才輩出。今屆身處B組嘅阿根廷由基奧雲尼施蒙尼孭飛，佢正係馬體會教練施蒙尼嘅大仔，呢位「星二代」年初已協助阿根廷稱霸南美青年賽，做埋神射手，盡顯功架。阿根廷U20今仗炒得起巴拿馬U20，直取讓球主勝。

（周六中午12時開賽）
加納卡塔爾值得支持

南美球員比較早熟，青年軍賽事成績特別好，阿根廷曾6奪世青盃，比死敵巴西仲多1次，難怪成為捧盃大熱。阿根廷最大殺着當然係鋒線，効力河床嘅基奧雲尼施蒙尼喺年初舉行嘅南美青年錦標賽，轟入9球，拋離第2位球員4球，級數超晒班。拍檔安祖哥利亞亦唔嘢小，効力馬體會，潛質優厚。兩人合作攻堅，中北美洲代表巴拿馬U20又點招架得住？

同組加納近年青訓出色，曾於09年奪冠，上屆亦獲季軍，今仗應可輕取奧地利U20。C組亞洲代表卡塔爾U20亦值得留意，呢支西亞球隊送咗多位球員去比利時乙組球隊奧伊本訓練及比賽，隨時有驚喜，對哥倫比亞U20，有得受讓，博讓球主勝。