獅吼維拉利爾愛鬥大

猪拉多纳

維拉利爾去咗澳洲踢表演賽，日前對阿德萊德聯落後2球大逆轉以3:2反勝。「黃色潛艇」今日會鬥布里斯班獅吼，相信都唔會踢得太認真，隨時似上場咁開「入球騷」同玩輪換。與其估邊隊贏，不如玩1.42倍嘅「入球大」仲好！

（有線64、203周三下午5:00直播）
「黃潛」射手韋圖托弗

維拉利爾日前對澳總冠軍阿德萊德聯，喺一度落後2球之下，好在喺最後27分鐘連入3球反勝。雖然「黃色潛艇」射手烏捷、後衞梅沙基奧同門將沙治奧阿辛祖因傷未有隨隊去澳洲，好彩仲有前鋒杜斯山度士、韋圖、謝拉特摩蘭奴孭到飛，韋圖更係後備入替即有士哥，中場卓利舒夫則傷愈復出，有望正選披甲。

另邊廂嘅獅吼，實力比唔上阿德萊德聯，就算有首席射手班頓波里路、中場麥特麥基坐鎮，班波實力同維拉利爾亦相差太遠。不過大家要留意嘅係，「黃色潛艇」上仗易邊後輪換球員，半力出擊隨時令獅吼有力取得入波，兩軍要合演「入球大戰」都唔難吖。