泰國女足唔夠班 挪威「-4」照撐

猪拉多纳

隨着女子足球愈嚟愈普及，今屆女子世界盃共有8支新球隊亮相，當中包括今日登場嘅泰國同科特迪瓦。泰國女足世界排名29睇落唔曳，只因平時成日同水準較低嘅亞洲二、三線球隊比賽谷高分數，而佢哋能夠出線，亦有賴北韓被禁賽少咗個勁敵，樂比認為泰國未夠班挑戰列強，面對B組勁旅挪威女足要交學費，挪威女足讓4球，照捧1.61倍「讓主」。

（中央5台周一凌晨1:00直播）
全土炮屬業餘水平

歐洲主流球季完晒，諗住可以抖番吓，點知世青盃同女子世界盃又殺到埋身，舉行地點仲係地球各自一端嘅新西蘭同加拿大，開波時間真係好頭痕，搞到冇覺好瞓，不過從菠菜角度而言，呢類大賽確實有投X價值，因為操盤手好多時都未摸得清，隨時執到筍貨！

泰國女足最致命問題，係仍未能衝出歐洲，23名球員都喺國內搵食，即係仍停留業餘水平，需知道近年女子歐聯、甚至英女超、德女甲及西女甲都搞得有聲有色，好多之前水平一般嘅東歐、非洲國家，都因為有球員去歐洲聯賽搵食而水平大幅提升，可以講故步自封嘅泰國，水平已被愈拋愈遠。睇番泰國外圍賽成績，分組賽先後畀中國同南韓大炒7:0同4:0，要知道中韓去到世界盃層次，都係普通二線貨色，連中韓兩隊都可以大炒泰國，更何況4度打入世界盃四強、世界一線球隊挪威女足？

泰國為備戰今屆世界盃，喺2月曾拉隊到歐洲集訓，並約戰有份參加今屆世界盃嘅荷蘭，結果又係慘吞7蛋，表現慘不忍睹。當然，泰國首次踢世界盃必定會加多幾錢肉緊，落力備戰，但女足世界水平同男足差距更遠，弱隊真係會連半場都過唔到，一場畀人攻門三十幾次屬閒事，斬龍門球都斬到腳軟，所以挪威女足「-4」絕唔過分，1.61倍「讓主」有得諗！

女子世盃賽制：現為決賽周分組賽階段，24隊分6組，每組4隊進行單循環比賽。每組首名、次名及4支最佳成績第3名晉級16強。

樂比推介：挪威女足（讓球主勝）