卡卡回勇撐奧蘭多城

猪拉多纳

足智彩尾場賽事係美職，奧蘭多城聽朝喺主場對華盛頓聯隊，小讓平半相當抵玩。畢竟奧蘭多城王牌卡卡落選巴西嘅美洲國家盃大軍，只能夠專心為球會作戰，最近佢仲話，拎唔到季後賽席位就等於失敗，信卡卡，熱捧1.65倍上盤！

奧蘭多城近排全面回勇，4戰錄得2勝2和，當然同王牌中場卡卡「返晒嚟」有關。喺呢4場波入面，卡卡射入3球12碼，喺中場造波亦回復番以前嘅7、8成水準。大家都知，卡卡勁恨重返巴西國家隊，只可惜今次美洲盃臨尾先冇揀佢入最終名單，肯定激發起佢嘅鬥心，幫奧蘭多城爭季後賽席位。既然華盛頓近3次作客僅得1和2負，今次衰多鋪有乜咁奇呀？