前鋒水鬥水 巴拉圭牙買加冇攻「細」

猪拉多纳

美洲盃聽朝B組另一場賽事，巴拉圭對牙買加玩1.57倍入球細實際啲。雖然巴拉圭首戰2:2逼和冠軍大熱阿根廷，但入球能力其實有限，撞啱牙買加完全唔識攻，首戰對烏拉圭未試過埋門中框，鬥悶唔似開到入球騷。（now681台周三清晨5:00直播）
牙買加首戰

11埋門0中龍

巴拉圭日前以2:2打和阿根廷，當中後備入替嘅巴里奧斯雖喺完場前入波扳平，但佢其實連中超廣州恒大淘寶都踢唔掂，就算上季被莫斯科斯巴達外借到法甲蒙彼利埃，好似有啲鹹魚翻生，都好難寄望佢連續兩場國際賽發威啩？

牙買加日前以0:1不敵烏拉圭，雖然佢哋有唔少喺英格蘭落班嘅球員歸隊，包括列斯聯中場魯多夫柯士甸同水晶宮後衞馬里亞柏。但前鋒陣容就好削，溫哥華白帽前鋒麥托斯根本唔夠班，淨係睇上場對烏拉圭11次埋門冇次中龍，就知今場玩細最穩陣。（美洲盃B組）