瑞士吼半場大

猪拉多纳

速戰速決夠力

E組次席瑞士於主場迎戰弱旅聖馬力諾，牌面強弱懸殊，但瑞士個「2哥」位唔太穩陣，為免夜長夢多，今仗對「冇骨魚腩」聖馬力諾必以獅子搏兔之勢搶攻，務求盡快鎖定勝局，初段入波唔會少，一於博半場大。

（周六凌晨2時45分開賽）

呢組英格蘭已率先搶得首名出線，排第2嘅瑞士只係多斯洛文尼亞3分，對賽方面兩軍各勝1場，對賽球差及入球數均一樣，但斯軍作客入球較多。即係話若果瑞士稍有差池畀斯洛文尼亞追至同分，就會跌落第3要踢附加賽。但假如斯軍今輪對立陶宛失分，瑞士贏波即出線，「十字軍」今仗精銳盡出，列卡度洛迪古斯及梳頓沙基利等全部候命。
聖馬力諾防線脆弱

聖馬力諾上仗對立陶宛取得14年來首個正式比賽作客入波堅熱血，可惜未能擺脫「冇骨魚腩」惡名，今屆8場外圍賽狂失27粒。瑞士撞正呢舊「冇骨魚腩」必定一開波就搶韁，上次作客聖軍上半場領先3粒有辦你睇，主W太熱冇肉食，不如轉玩半場大。