邦理揀馬：嘉飛火併寶利多

纯情小彩迷

　　第五場三班1200米﹕這場條件限制賽，只限在港最少上陣三次的今季未勝馬跑，其中「嘉飛」及「寶利多」於季內總場次224同程分例季、殿軍，兩駒當時均受制於慢步速而後追不及，但該仗前五名馬匹其後再於三班賽錄得一冠三位，足見賽事水準甚高。

　　今次「嘉飛」及「寶利多」齊齊轉跑遺材賽，對手明顯較弱，加上應有正常步速，而後上馬於A跑道應有更好發揮，可作雙膽。「連利福星」近季以谷草的表現較佳，而且現時跑較慢場地才合，前仗同程跑第四證明有作戰狀態，排一檔可全程一步不蝕，配蘇狄雄減十磅亦有利，三甲分子。「靚得開心」上周同程後上跑第四，排二檔可望於內叠慳位，兼且A跑道較C+3欄好追，有分頭要拖。

寶貝王子擅一哩

　　第七場三班1650米﹕「寶貝王子」同程兩戰全入Q，體質不算強之馬，休後頭兩仗每能交出好表現，既然季內拼搏不多，體力及評分應較主要對手佔優，如因排十一檔而換來好賠率便更抵賭。

　　「億銘之寶」在港所得的一冠四亞全在同程取得，上仗回師三班賽，直路發力時受阻仍愈追愈近，轉廐後未勝必拼。「輕越直前」季內五戰同程得一冠三位演出準，上仗於谷草1800米敗後即縮回一哩，仍有機會爭跑馬地百萬挑戰盃必具鬥志，可爭三甲。「緣是燦爛」季初表現欠佳，之後轉跑田草及泥地減分，現評分於三班不用負重有利，回師谷戰即加強配搭具誠意，排一檔慳位要拖。

Wyson