朝早有動靜：超群如意仲係靚

纯情小彩迷

　　昨朝白德民連試多匹波士大摩馬房戰馬，如「步步快」、「超群如意」及「心歡笑」等，積極備戰。其中「超群如意」前仗順利於1400米贏馬，上仗失運不敵「安御」，昨晨白德民親跳兩段，馬身紮實，步頭硬朗，勇態比上仗有過之而無不及，今場再爭贏馬路程1400米，對手實力一般，有力取得第二W。

　　而現居騎師龍虎榜亞席的韋達，周日沙田賽事坐騎卜滿，必然希望趁柏寶停賽急起直追。昨朝此子親替呂健威「又贏晒」及李易達「福龍」跳兩段，考驗過程小心翼翼，十分重視這兩匹參戰馬。

　　出戰尾場三場1400米的「又贏晒」，今季轉入呂健威馬房後，受操受磨，又保持正常出賽頻率，季內三仗愈跑愈好，健康明顯已回復正常，馬身亦養番壯。經過三仗熱身之後，馬房已摸熟脾性，亦引到韋達垂青連番親試，包辦復課後全部五課快工夫。昨朝單跳八百米，末段稍鬆韁繩即有凌厲反應，走勢輕爽有力，火氣旺盛，狀態十分勇猛。周日出爭合適1400米，排得四檔起步，負117磅，形勢有利，有力打開季內勝門兼可省招牌。

韋柏