數據人生： 科研精英搶頭胡

纯情小彩迷

　　苗禮德今季暫時勝出十三場，成績中規中矩，但近期攻勢急勁，近三次日賽均有馬贏外，對上兩戰更食頭胡，可見旗下馬普偏已踏入作戰狀態，明日頭場「科研精英」續配勞愛德上陣，應是馬房主力搏殺對象。

　　近期勞愛德頻頻交出頭馬，上月至今亦替苗?勝出四場，騎練可謂正處蜜月期，今戰合作「科研精英」、「東方駿馬」及「朝東之星」上陣，計近績當然以「科研精英」較佳；上仗初出跑四班1000米，面對殺聲震天的「萬事佳」，臨場賠率仍企穩十倍左右，顯然幕後有一定信心；雖然出閘稍慢，但很快便居於前列並跟「萬事佳」齊放，可惜勇熟程度不及對手，最後分別被前駒及「勁勇士」趕過得第三，表現算有交代。賽後操練積極，至今六課快跳便有四課由勞愛德親試，看來騎者亦是心中有馬；今戰續跑直路賽雖再遇「勁勇士」，但摩?近期手風麻麻，不妨秤先續有進步的「科研精英」。配腳除「勁勇士」外，落班的「威力無窮」及初出馬「盈彩繽紛」均宜兼顧。

歐陽志恆