賠率有路捉：鑽之寶有料到

纯情小彩迷

　　 近期黃汝安馬偉昌一對騎練攻勢停不了，呢對組合馬受熱捧唔出奇，但頭場「鑽之寶」只係用梁明偉，早飛都賣到55蚊次熱，位置仲係17蚊大熱，就一定有計。「鑽之寶」今季三戰都虎頭蛇尾唔意外，皆因中長途唔係佢強項，過往兩次入Q都係1200米，根本係匹短途馬，今日回師番1200米，配合埋眼罩變動，兼且有大注墊底飛，今晚一定有料到。

　　另外，王志偉家陣只得三W，但第四場佢隻「果然勁」早段WP都大熱，39蚊W，位置仲係1.0，以佢今季手風弱成咁，買落去段估唔係普羅馬迷，既然有人信心大成咁，似乎好大機會放到。

　　 騎師王方面，今季谷草唔係韋達福地，不如吼手風順嘅潘頓，手上「秒秒領先」、「同心同德」同「風火神駒」都有實力，有分頭可博。

周仲