金石盟專欄： 卓爾非凡露鋒芒

纯情小彩迷

　　早兩日不少戰馬提前試跑，令昨晨跳馬疏疏落落，場面冷清，但亦有不少精彩鏡頭。

　　「飛躍王子」助手、「卓爾非凡」白德民結伴試千二米，前駒採取主動帶放，後駒亦步亦趨，入直路兩駒拍住爭持，叮噹馬頭過終點，「飛躍王子」奮力抗衡到底，但走勢欠勁，進度徘徊；外檔的「卓爾非凡」出腳矯健，上勁起力，成熟程度與日俱增，狀態勇進。

　　「開心財星」都爾試八百米，輕描淡寫完成，腳頭硬朗，勁力均勻，長期見好。

　　「紅跑車」助手試八百米，助手策「好兄弟」佔先四、五乘帶放引導，入直路均加快步伐，外檔的「紅跑車」稍鬆韁繩即以勁勢撲上，未分勝負，走來似模似樣，健康情況穩定，委實有生氣。

　　「醉味」白德民試八百米，自動加速，翻步靈巧，收身上力，進度一日千里，靚過上賽。

　　「豐衣足食」湯智傑試四百米，步幅開揚，衝刺挺勁，日益成熟，勇況更盛。

小啟：是日稿擠，部分專欄停刊一日。