史雲斯盤口見信心

猪拉多纳

上周巴黎恐襲搞到某啲重頭賽事臨時取消，令市場比較淡靜，可能「港中大戰」成為本地球迷焦點，但對於搵食至上嘅大戶嚟講，唔熟唔食，呢類賽事唔多啱佢哋胃口，寧願忍吓手。今晚重心推介賽事，係英超史雲斯主場對般尼茅夫，「天鵝」讓平半個上盤熱到飛起，大戶亦露咗手影，不妨入番多少。

（now 633周六晚11時直播）

史雲斯近8仗僅1勝曳到爆，有傳領隊蒙克帥位不保，不過肥叔從來唔信呢啲軍情嘢，「天鵝」初盤仍要讓平半唔奇，奇就奇在得番六九水咁低，唔多尋常，即係莊家擺明睇好史雲斯今仗會大翻身。而且肥叔亦察覺到，大戶唔聲唔聲入定啲「天鵝」上盤，繼續煲落去隨時會轉盤，最好入定啲上盤。
切爾達作客不敗讓波照博

講多場西甲拉科魯尼亞主場對切爾達，後者自畀皇馬打破不敗身後謝謝哋，不過作客拉科依然要讓平半，信心十足喎。睇番原來切爾達今季作客未輸過，並錄得4勝1和佳績，當中贏過西維爾同維拉利爾添，肥叔認為切爾達今仗係坐和望贏格局，值得用半個盤博贏成個盤，上盤不容錯過。

（now 633周日清晨5時05分直播）