高路高路作客捧唔過

猪拉多纳

首席射手做賊仔聽踎監

呢期智甲邊個最出位？唔使問阿貴，一定係艾斯迪賓柏利迪斯！呢位高路高路前鋒周中去做賊，畀差佬周到佢偷咗3部65吋、總值225萬智利比索（2.5萬港元）嘅平面電視。柏利迪斯每個月搵成2,400萬智利比索（約26萬港元），家陣為咗幾部電視即將踎監，係咪燒壞腦呀？

高路高路家陣向聯賽同智利盃兩大錦標進發，霎時間搞壜咁嘢出嚟，話冇影響就假啦！畢竟「賊仔前鋒」柏利迪斯係球隊首席射手，加上另一鋒將漢拔圖蘇亞素仲養緊傷，火力照計會受到好大影響。
冷敲柏利斯天奴主Ｗ

聽朝佢哋造訪柏利斯天奴，對家基本上奪冠無望，不過阿根廷籍名帥古爾迪大把人吼，盛傳佢老人家季尾就會離隊，嚟緊幾場聯賽梗係要Show吓Quali證明自己嘅領軍能力啦，出到去嗌人工都高啲嘛，呢場波大膽啲博主Ｗ。