雷勁論戰：友誼奧運轉場出擊

纯情小彩迷

　　告東尼今季表現出色，雖然最近兩名愛徒均不能上陣，但今戰馬房多駒均交由馬偉昌執韁，料攻勢仍會持續。

　　根據馬房中人透露，今日最值得睇好的東廐馬應是列陣第十場三班1400米的「蓬萊仙子」，此駒季內跑過六場賽事，先後取得兩冠一亞一季，演出甚穩定，上仗初上三班作賽亦可走入亞席，足證其實力非凡。復課後，此駒一直由蔡明紹摸實，但由於騎者舊患復發，所以今次只好易配馬偉昌上陣。蓬萊仙子」已踏入大熟期，蔡明紹亦已摸熟其脾性，知道要以長韁放鬆來跑威力最強，而告東尼已將此駒的特性告知馬偉昌，只要發揮得宜，今仗有望贏馬補中。

豐綵連捷望濃

　　至於出爭尾場二班1400米的「豐綵」，上仗在馬偉昌胯下贏得十分輕鬆，今番乘勇再來，連捷望濃。馬房中人指出，此駒勝後狀態絲毫未見低落，復課亦冇疲態，今次再來雖然要負133磅上陣，但由於本身體型壯碩，料不會造成太大影響。續跑贏馬路程1400米，有運排得二檔起步，相信「豐綵」應可及早搶出貼欄領放，如能夠順利操控賽事步速，同場對手要追越牠亦非易事，所以馬房上下對此駒取得連捷抱有極大期望。

　　另外，文家良馬房亦有搏殺消息傳出，出爭第六場四班泥地1650米的「友誼奧運」，近四仗跑獲冠亞季各一，演出穩定。上仗增程跑欠根據的谷草2200米，落敗不能作準，今仗轉爭過往六戰獲兩亞一季的泥地一哩，預期會有不同演出。

　　值得一提，「友誼奧運」與白德民相當合拍，人馬過往合作五次獲冠亞季殿各一，今次此駒繼續交由白德民操刀，人馬默契毋須懷疑，同場對手實力非強，力足言勝。