朝早有動靜：巫斯義砌藍老虎

纯情小彩迷

　　昨日晨課法國高手巫斯義積極備戰，穿梭多個馬房，如葉楚航、鄭俊偉、李易達等一眾本地倉，勤力課馬，態度投入，鏡頭矚目，看動態必有出擊意圖。

　　騎者先後替葉?「藍老虎」、鄭廐「馬主精英」等周日出賽馬快磨考驗。其中前駒於大圈跳兩段，走來步活且勁，生氣勃勃，明顯已走出之前低潮。加上此駒出試前，練馬師不斷向巫斯義交帶指令，試罷又見騎練密斟一番，動態相當有瞄頭。

　　苗禮德馬房剛戰又有馬贏，憑「同心威駿」再添勝仗。周日沙田賽事，馬房又有多匹實力馬，如「熱錢」、「雄心馬主」、「太極至尊」等上陣，此三駒昨朝由副練馬師余詠詩於大跑道及內圈出試，苗禮德亦一早到場，猛向副練交帶事宜，並在沙圈過磅處空地檢閱馬匹，又親自落手落腳整理馬匹配件，睇動態相當重視，看來又有計，值得優先留意。

　　另外，沈廐「座頭市」由助手先在飛機坪出踱熱身，後交由鄭雨滇拍跳彈草閘，走來步勁十足，馬身茁壯有火氣，勇態撩人。人馬試畢後，步返馬房途中，鞍上人不斷摸馬頭以示嘉許，對馬匹狀態極為滿意，今次人馬再度出征，絕對要盯緊。

韋柏