鄭俊偉衰家食尾胡

纯情小彩迷

練馬師鄭俊偉尋日手馬實力唔錯，可惜卻甚為黑仔，首兩匹戰馬「金像太子」同「成功網絡」都屈居第二，搞到米高（鄭之洋名）不斷搖頭嘆息，到第九場�鳌柑�陽能」跑完後更被驗出骨裂，需要人道毀滅，認真禍不單行。
原本以為米高黑氣未除，好彩到尾場終於憑「馬主精英」食番個尾胡，令佢重拾歡顏。米高話「馬主精英」贏過一場新馬短途錦標後，蹄甲以至葫蘆骨都曾有過毛病，以致遲遲才能再贏，不過無論如何希望馬仔保持健康，可以繼續爭取好成績。