|
蔡約翰剛戰谷草僅出兩駒全負，事後看來馬房已將焦點放在今次的打吡大賽日，雖然「國寶」發燒退出，但其餘仍有十匹正選馬列陣，既然當中不乏實力分子，相信有力連場報捷，值得從中揀選重心。
今戰想食尾胡的話，不妨吼實「沙貝利」，雖然配韋達八次只得三席位置，表現未算合拍，但要記住不少敗績均於谷草取得，似乎未必能作準；明日續爭勝途田草1400米，以上仗輕鬆取勝的姿態計，冇理由會突然走樣！此駒上仗配柏寶出爭三班田草1400米，可能排九檔及跟名氣馬「超群如意」同場，閘前賠率回升至五倍開跑，但起步後即成功切入內叠慳位，直路柏寶一騎之下更彈甩群駒掄元，難怪馬會賽後評語亦指出勝來游刃有餘。
今仗柏寶策騎賀廐「歡呼星」，「沙貝利」則重由韋達執韁，雖然前駒排一檔，但後上馬隨時因此受困，反而「沙貝利」排八檔，形勢跟上仗相若，而且牠歷來跑田草A欄的成績理想，這次應坐亞望冠。
歐陽志恆 | 
金睛卡
发表于 2010-3-13 06:30
变色卡
显身卡