曼聯爭踢歐聯大反撲

猪拉多纳

歐霸盃今晚上演32強次回合賽事，首回合落後1比2嘅曼聯，將回師主場迎戰丹麥球隊米迪蘭特。紅魔現時傷兵滿營，但由於喺聯賽爭逐歐聯入場券難度甚高，倒不如喺歐霸盃奪冠直接攞歐聯參賽資格好過，球隊為收復失地一定喪攻對手，阿謙估計今仗入波唔會少，入球大細中位數轉為2.5/3球都照捧大盤。

（now 670周五凌晨4時05分直播）

曼聯首回合作客喪師丹麥表現平平，球隊明顯受傷兵問題困擾，前中後三線皆有主力缺陣，包括菲爾鍾斯、舒韋恩史迪加同朗尼等。不過，好消息係紅魔門將迪基亞已經好得七七八八，今仗有望重返正選陣容，對球隊信心會有所提升。

由於歐霸盃冠軍可以取得下屆歐聯參賽資格，喺英超競爭異常激烈下，曼聯倒不如全力踢好歐霸盃去爭取歐聯入場券，今仗主場出擊肯定會搶攻務求收復首回合失地，主力桑馬達近況唔錯，今仗有望喺米迪蘭特身上攞到入球。
米迪蘭特伺機突襲

米迪蘭特上仗藉兩個機會攻破曼聯勝出首回合，球隊今場作客相信會沿用上仗戰術，對住瘋狂搶攻嘅紅魔，隨時有機會藉對手空群出擊，後防出現空位下再度取得入球。阿謙估計今仗入波唔會少，入球大細中位數轉為2.5/3球，一樣推介大盤。