易摶贏慳位先達陣

纯情小彩迷

欖球，可說是澳洲人國技之一，每年香港舉行的國際七人賽，例必見澳洲隊殺入最高水平的銀盃賽。香港人身材輸蝕，勝在靈活搭夠，近年欖球成績愈見進步，在亞洲亦穩佔中上游地位。今晚重頭戲第五場香港欖球總會盃，由澳洲籍練馬師賀賢訓練的「易搏贏」，挾一戰同程即入Ｑ佳績而臨，更抽得一檔，捧盃呼聲高唱；那邊廂一眾本地倉主不甘示弱，撚好「勁有利」、「寶成智星」、「緣是燦爛」迎抗強敵，誰能率先達陣，要跑過至知。
 
易搏贏谷草一哩一戰即入Q，亦是在港唯一上名之役。 

賀賢：「易搏贏」雖非超級貨色，但於目前評分卻有勝算，本身喜歡靠快步速，憑後勁追趕對手，上月初谷中一哩排12檔也能入Q之役正是最佳反映。四歲馬進度及狀態皆已穩定下來，來港前兩戰分別於黏地及大爛地勝出，證明本身特擅變化地，今仗有幸排1檔沿途慳位跑，留前鬥後可望順利出頭。
 
勁有利減磅�禂瞪� 

沈集成：「勁有利」上賽面對「美猴王」當難殺出重圍，今次對手只是一群普通三班馬，配合用蘇狄雄減7磅之助，「勁有利」所處形勢可謂截然不同，加上前仗是在谷草開齋，細場適應力毋須懷疑，總之今場有力一拚。
 
寶成智星切入就掂 

姚本輝：「寶成智星」之前跑谷草1200米未能貼欄順放，以致表現欠佳，移師一哩後情況有所改善，近賽雖敗仍近。今場7檔起步藉輕磅之利，「寶成智星」只要及時切入領放，有機會勝回一仗。
 
緣是燦爛阿萊搭夠  

吳定強：「緣是燦爛」從前次谷草一哩只輸頭馬「開心歡樂」一乘多，反映出本身已走出谷底。中年馬獨擅細場，一哩之前演出算準，今仗獨嫌檔位欠佳，惟有靠杜利萊騎功搭夠，與對手周旋到底。