借題發揮：霍利時上岸在即 超勝小注無「駒」

纯情小彩迷

　　經過上周日賽事， 又多個馬房上岸， 威哥贏夠13W，目前為止尚有8 個馬房未達標，排最尾係薛廐，跑到第7 個月，依家手上得5 個W，相信要達到最低要求的十三場頭馬，都要靠奇蹟至得喇，事實上，呢個馬房隨着馬王粒聲唔出行咗去，加上正副練磨合唔到，成績點會好。

　　此外，頭馬累積唔夠雙位數，仲有4 個馬房，分別係吳定強、告達理、梁定華同伍碧權，前者就年年都唔使擔心，上岸只係早或遲的問題，至於其餘果3 個，真係唔係咁講！？

　　正常嚟講，現時最有機會率先上岸嘅應該係霍利時，目前有11 場頭馬，毫無疑問，今季霍廐成績的確令人跌眼鏡，以佢個倉?規模，同手上的兵源，現時還要被一些中小型馬房比下去，唔知當中係咩原因，不過，季初及季中階段發唔到力也唔係一件壞事，部分馬跑住減分，挨近季尾便有望撈底。

　　相似情況便發生在今期賽事之內，如「萬人迷」和「得寶飛駒」，一隻長期跑得近，而目前在四班已不用負重，另一隻今季跑極冇表現，分數大致回落到恰可水平，呢對馬突然間有突破，一?都唔奇，同埋熱極有限，小注WP冇壞。

今晚達標唔奇

　　仲有嘅係「超勝」，佢哋情況同前兩駒梗係唔同，因為季內演出好得嘅，屬少數呢個馬房長跑長有一族，美中不足係跑親都二奶，5 場有4 場係阿二，之但係，剛仗唔係冇驚喜，初跑1200 米又冇乜形勢，還要負頂磅，返咗只係輸少少咋，呢次忽然少廿幾磅，升班跑亦冇有怕。數嚟數去，睇埋呢3 隻馬可能帶挈霍利時今晚即刻達標喇！

亨利