馮諾嘉手記：１ 有遮擋 世世無敵

纯情小彩迷

　　今晚谷中八場賽事，當中有唔少場次參戰馬實力平均，形勢較為混亂，谷草B欄C彎內檔馬較為小數，睇番上次B欄賽果，雖然頭馬當中有領放、中置以及後上，唔同跑法都有，但大部分頭馬早已貼欄走，所以今晚都係揀番內檔馬穩陣?。

　　第三場四班1650米，用「世世無敵」做膽，上場排外檔起步，全程走外檔無遮擋而大敗，季內四戰同程獲一冠三季，演出夠準，今次排番一檔，有遮擋，形勢似足贏馬一役。配腳先拖上場跑近嘅「成功年代」，其次「同歡笑」雖排十二檔，但今場冇乜快馬，如放頭跑可放到。拖多匹「十足十」，呢程兩度入位，仲未開齋實有鬥志，換人騎求轉手風，有突破演出唔奇。

精算攻略一哩準

　　第七場三班1650米，「精算攻略」連續三場跑同程唔贏都有位置，上場由勞愛德操刀，前段比以往留得更後，入到直路追勢雖然凌厲，但仍以頸位輸畀「旅遊小子」，今場回配韋達，抽得二檔，大可跟住一檔嘅「團隊精神」跑，有力反勝「旅遊小子」，馬膽佳選。「威力高」前仗1800米跑近，呢場回師一哩，已試準有冷機。「旅遊小子」贏馬後狀態保持，配腳要拖。「海力童」季初贏過同程，近仗開始跑番近，抽得三檔，又負輕磅，有權突襲要兼顧。

　　第八場二班1200米，馬膽揀「金德寶」，在港三戰獲兩冠一亞，跑1200米出閘後好快就轉彎，抽一檔更�魯担�貼欄領放，有權取得三連霸。配腳方面，馬膽熱辣辣，當然要揀番啲冷門，如果唔係真係冇肉食，呢場有「金德寶」快放，步速唔會慢，二檔?「風雲勇子」比起其他馬更好跑，入直路前大可跟住「金德寶」，貼欄守好位兼有遮擋，呢匹馬上場初出走勢唔差，相隔五個月再上陣，今次係轉文家良馬房後首戰，做足工夫，強配韋達，仲有內檔之利，咪睇小。「企業精神」班底高，上仗輸唔遠，排大外檔一定好分，初戴眼罩要防。「聖法理」初出熱身一場後，上場初跑谷草已經得第二，乘勇再戰力求開齋，就算熱啲都要拖埋佢。