皇馬大盤客恩物 切記捧場

猪拉多纳

近期肥叔多數講上下盤，唔覺意冷落咗一班大細盤客，因此是日重心推介轉玩大細盤，場次係西甲早場皇馬主場迎戰切爾達。「銀河艦隊」每逢主場出擊均好「大」喜「攻」氹粉絲，其強大火力非等閒球隊所能抵擋，今仗對切爾達相信又會係大手交易，就算中位數調至3.5球都照撐大盤。

(now 632周六晚11時直播)

波係圓嘅，球場上乜嘢事情都可能發生，就算有隊波領先咗90分鐘，亦有可能於補時失兩粒反輸，與買咗細盤嘅朋友要等到完場至放心相比，買大盤嘅投X者隨時半場未完已經收錢，因此某些球隊好受大盤客歡迎，皇馬亦係其中之一。「銀河艦隊」每次主場出擊一定全力進攻，近10仗主場有9仗總入球達4球或以上，不但全開大盤，甚至出現6比0、10比2等驚人戰果，令佢哋「主場大盤王」評級指數係咁升，絕對係大盤客恩物。
切爾達遇強頻頻被炒

對手切爾達雖實力唔曳，但作客強隊始終差啲，近期於聯賽及盃賽造訪巴塞同西維爾，合共失咗10球，試問點頂得住皇馬嘅狂轟猛炸先？而且皇馬每逢主場出擊一開波即搶，近10仗中有8仗半場入球達2球或以上，因此要買大盤就唔好等走地，開波前買定最安心，大細中位數雖調至3.5球，但大盤仍有1.88倍算係好分，都係有買趁早。