雷勁論戰：欖球樂園直闖勝門

纯情小彩迷

　　蔡約翰馬房剛在谷中夜賽憑「精算攻略」增添一場頭馬，季內已取得四十一場W，頭馬數目與告東尼馬房看齊，亞軍數目更多過對手，蔡約翰正極力爭取今季的練馬師冠軍寶座，目前東廐是其勁敵，所以廐主希望在未來一兩個月內多贏幾場馬，如果成績可以拋離對手的話，重奪冠軍的機會便大好多，所以會盡量數胡。

　　周日沙田十場草地賽事，蔡廐出馬不少，實力亦很強，其中最值得睇好的是「欖球樂園」、「盈彩繽紛」及「印度光輝」。

　　頭場「欖球樂園」上仗在谷中1000米拼入亞席，僅以四分三馬位負於「祥禎」而已，馬房中人指出，當時其狀態只屬初起，而且跑1000米亦嫌短多少，有此表現已算難得，今次改跑沙田1000米直路賽，更為有利，因為跑直路賽，不但要有速度，亦要有後勁，今次又幸運地抽得十四檔好位，可以貼外欄順走，對這匹質新馬大有幫助，對手不強，有力打開勝利之門。

　　第三場「盈彩繽紛」季內兩出兩勝，今次乘勇再戰1200米，此程是其強項，狀態亦保持甚佳，廐人指其潛力尚未見盡，在三班仍有超卓感，今次雖排十二檔，但馬質超群，外檔亦難阻其三連捷。

印度光輝大熟

　　第九場「印度光輝」與勞愛德十分合拍，上仗贏來輕易，馬已踏入大熟大勇之期，跑1800米是其所長，今番對手非強，當起之馬，必把握機會求再下一城。至於第六場「越跑越有」，馬房亦謂有爭位機會，質新馬愈跑愈進步，馬口已教好，回跑1400米更合其腳法，排檔差多少，但有機會爭入三甲。