賠 率 有 路 捉：雙辣早飛有玄機

纯情小彩迷

　　第五場四班1400米，噚日早飛大熱居然唔係「高智慧」、「松林之星」又或者「又贏晒」，反而落喺「雙辣」身上，初跑1400米都曾買到51蚊大熱，好似話你聽唔單止一定得，仲贏面好大。

　　另外，第八場一班1200米，一大批四五歲精英在陣，但大熱門P居然係安廐八歲馬「黃鑽石」，只得21蚊。此駒上鋪仲係69倍跑包尾，何方神聖咁有把握呢﹖不過「黃鑽石」季內初出就喺同程63倍跑第四，輸畀「創惑」少少，所以唔好太睇小呀。

　　仲有第九場「我愛您」，上仗初跑1800米一段都冇，今戰面對「印度光輝」、「馬主精英」居然係59蚊次熱，P仲係17蚊大熱，配賴維銘都咁有信心，好肯定唔係公眾飛。

　　騎師王方面，韋達冇肉食，反而蔡明紹有「領航人」、「精靈拍檔」、「松林之星」、「旅遊大亨」，有權半冷稱王。

周仲