紐約城搞革命 大把喺手

猪拉多纳

今周美職方面有唔少好戲上演，首選要留意星味十足嘅紐約城，呢支曼城「姊妹球隊」今季聘請法國名宿韋拉執教，雖然成績麻麻，但勝在夠娛樂性，踢法有前冇後，今仗主場對防線不穩嘅新英倫革命，有望上演入球騷，首選入球大。

（TVB302周日凌晨3時直播）

紐約城擁有3大球星韋拿、派路、林柏特之餘，今季仲請來前阿仙奴中場韋拉領軍，令人更有期待。不過韋拉始終首次執教職業球隊，表現比較飄忽，首仗以4比3擊敗芝加哥火燄，跟住打和FC多倫多2比2，上仗0比1不敵奧蘭多城，換言之3戰入6球，亦咗失6球。事實上，紐約城眾星去美職搵食，難免有「養老心態」，希望盡情享受足球，踢得更放，有利開大。新英倫革命開季3戰未贏過，作客侯斯頓戴拿模、費城聯，同樣要失3球，防線弱不禁風，遇上崇尚主攻嘅紐約城，更難保持清白之身。
白帽戴拿模合演入球騷

講到多波入，一定要提埋溫哥華白帽主場對侯斯頓戴拿模，雙方今季都係3戰全開大，戴拿模更加已攻入11球，屬於火力最強球隊，預料今仗應會有大手交易，再追入球大。（TVB 302周日早上10時直播）

另一場，華盛頓聯隊主場對FC達拉斯，雙方近4次交鋒，都由主場一方勝出，主勝值博。（TVB 302周日清晨5時30分直播）