朝早有動靜：鷹闖係時候坐正

纯情小彩迷

　　大摩與告達理派馬出外遠征，近期雖忙個不停，但兩位練者仍不忘本地賽事，昨朝依然勤力督操，說不定兩人會在今晚沙田泥地賽事贏馬壯行色。

　　其中大摩昨朝甚積極， 更不時與馬偉昌交頭接耳， 似乎將搏殺重任交給此君，明晚共有三匹摩廐馬交由馬偉昌策騎，其中以列陣尾場一班1650米的「鷹闖」最值得留意。此駒季內雖屢拼未勝，但近三仗亦兩度入Q，足證戰鬥力不俗，上仗拼後仍保持良好水準，昨朝加課出踱火氣旺盛，表現惹人好感。今番「鷹闖」重配唯一贏馬功臣馬偉昌，人馬默契毋須懷疑，轉爭過往一戰即入Q的泥地1650米，係時候坐正。

　　第四場四班1650米，李廐「天寶之威」上仗在同程憑一條直路掃晒，於柏寶胯下以一個身位擊敗「友誼奧運」贏馬，姿態相當輕鬆。復課後，此駒操練仍保持積極，並由柏寶親試多課，明顯未有放軟手腳迹象。近日晨課所見，李易達不時同柏寶雞啄唔斷，今戰「天寶之威」再跑勝途，繼續交由柏寶操刀，必定有添食意圖，有力再建一功。

　　另外，梁定華馬房今晚亦有多駒參戰，昨朝練者與主帥都爾在收操時間仍有傾有講，久久不離場，似乎滿肚密圈。其中列陣頭場五班1200米的「贏啲啲」，上仗後小休兩個多月才再上陣，期間勤操猛練，埋門大細泥閘試勻，備戰空前積極，睇部署今次肯定搏命，排四檔起步好跑，有力先拔頭籌。

韋柏