洪禮賢講馬：捧歡樂繽紛

纯情小彩迷

　　第九場二班1000米。「齊歡唱」跑4場得2Ｗ1Ｑ，上場表現曳，只因出閘大漏，直路又要兜出最外叠衝，只輸個幾身位，已證明二班唔會有阻力。12月尾轉馬房後，月中試大閘，前後兼備之下勝出；季內此對騎練在田草交得幾準，累積３冠２亞３負，此駒打得王牌復出，必然會跑得好好睇睇。

　　第十場三班1400米。「歡樂繽紛」連同上季跑４場得２Ｗ２Ｑ，雖則對上兩場都係屈居阿二，前仗或許是性能正改變，所以在短途已不夠速度，剛仗則初上此程，輸在拉士兩三步無得好講；今仗仍跑1400米，有過上場的經驗，貫注力必有提升，加上在B+2賽道，有利其前置跑法，有望勝回一仗。