世界漫遊：標青換人 露真面目

港陌

　　新西蘭名駒「精靈爵士」上年聖誕節時差點中毒死亡，但上周六又交出好表現，第三度勝出雅華般尼金盃，這匹八歲馬至今117戰取得22冠18亞14季，而該役亞軍及季軍則分別是Manonamission及Red Ruler。

　　推介第四口孖寶，頭關四班1650米，「標青」上仗出爭田草1600米，排一檔起步卻全程在外叠競跑，難怪賽後小組亦告誡巫斯義，指他策騎此駒的表現未達其應有的水平，論馬早在總場次264的三班同程露過一手，現居四班必佔便宜，換杜利萊操刀必拼個明白。「七星仔」上周三贏谷草1200米，今番隔一周匆匆再出增程跑一哩，部署有點似廐侶「贏啲啲」，只要狀態冇走樣，也具連捷機會。

　　尾關四班1200米，「欖球樂園」前仗若非遇上突然神勇的「祥禎」，早已在谷草1000米贏馬，上仗轉戰沙田直路賽亦贏得相當輕鬆，證明四歲馬已踏入升軌，今次回師谷草上陣，場地性能毋須擔心，排內檔可執多W。「鉅業光輝」上仗初戴眼罩角逐同程，在末段收復不少失地得第三，賽後居然仍獲評磅員減一分，今次續配柏寶上陣，未出頭馬鬥志必佳，值得重視。

　　另外推介第七口孖寶，頭關三班1200米，「帶利財子」近三次跑同程取得兩冠一亞，擺明路有專長，上仗重上三班作賽兼轉跑泥地，欠表現毋須太過失望，今次回師強項作賽，估計會有不同演出，如因上仗之失而換來合理賠率，更加值博。「開心好多」經一輪減分後，上仗終於在同程有接近表現，自購馬似乎已摸到最佳出路，改配楊明綸減磅更好跑，也具勝望。

超勁精神拉士勁

　　尾關三班1650米，「超勁精神」上仗跑同程於末段造出全場最快的23.17秒入Q，加速力絕不簡單，今場若遇啱步速便有權贏馬。「旺家多寶」上賽初跑谷草即幾乎贏馬，窄場性能肯定出色，要繼續吼實。　

耀鈞