阿德萊德聯客Ｗ秤先

猪拉多纳

噴射機換帥有排執

澳職今日有場獨腳戲，由紐卡素噴射機主場對阿德萊德聯。噴射機早前炒咗教練史葛米拿，改由馬克鍾斯走馬上任，一眾球員要重新適應踢法，相信要花唔少時間。噴射機今仗就算有主場之利，但面對上屆盟主阿德萊德聯，相信都係冇運行，阿謙推介1.77倍嘅客Ｗ！

（有線64台周日下午2時直播）

噴射機上月突然辭退主帥史葛米拿，改由教過球隊青年軍同女子隊嘅馬克鍾斯執掌球隊。馬克鍾斯喺2006至10年曾擔任噴射機助教，去年做過球隊體能教練，對噴射機有相當嘅認識。不過，史葛米拿今夏引入韋恩布朗、阿歷山大確高、古魯特、安祖賀利等球員加強實力，鑑於其戰術講求節奏快速，因此一眾球員自然需要重新適應馬克鍾斯嘅踢法，而且門將賓堅尼地喺操練時整傷跟腱，將要休戰一段時間，球隊防守力有所削弱，今仗難佔甜頭。
阿聯流失主力都夠殺

上季盟主阿德萊德聯今季流失多名主力，包括迪捷特、布魯士卡馬奧、奇治葛雲、柏保路山齊士及史提芬莫克等。阿德萊德聯面對呢個情況，當然唔會坐以待斃，佢哋成功收購前澳洲國腳中場占士賀蘭特、西班牙前鋒沙治哥迪奧拿等有質素球員補充兵源。阿德萊德聯今仗雖有後衞佐敦艾斯同馬朗尼、中場卡路斯卡因傷唔踢得，而佐治美爾斯要為國家隊出戰而缺陣，但呢班波實力始終比噴射機優勝，加上後者現時軍心不穩，阿德萊德聯今仗作客有力先拔頭籌。