決賽場合必謹慎 紅鑽Vs飛腳吼半和

猪拉多纳

日聯盃今午上演終極決賽，由浦和紅鑽同大阪飛腳爭冠。今仗安排喺紅鑽主場埼玉體育場舉行，由於飛腳早前喺日職次階段作客此地曾大敗0比4，今仗勢必踢得更加謹慎。飛腳近6場比賽有5次開出半場和，半場和有2.25倍抵玩。

（有線61及201台周六中午12時05分直播）

兩軍曾經於10月初嘅日職次階段喺呢個球場交手，當時飛腳慘吞4隻光蛋，雖然嗰場大敗同飛腳前鋒艾迪美臣巴拉加下半場領紅牌被逐有好大關係，但無可否認紅鑽聯賽連同盃賽已經連贏8場，球隊氣勢上的確蓋過飛腳，飛腳今次再訪埼玉球場定必加倍小心。除上述對紅鑽一仗外，飛腳近6場比賽其餘5仗全部開出半場和，今仗作客有本錢打穩陣波。
飛腳「冠軍」好分頭值博

紅鑽近況當銳，攻擊型球員又多，加埋有主場之利，表面上值得睇高一線，但高手過招一個錯誤足以致命，為免失波陷劣勢，預計紅鑽比賽初段亦唔敢太過冒進。紅鑽對上1次贏得日聯盃冠軍已經係13年前嘅事，其後3次打入日聯盃決賽都無功而還，而且撇除上次「人多蝦人少」贏波，紅鑽之前4次喺法定時間之內都未贏過飛腳，今仗除推介半場和外，冠軍亦可選擇好分頭嘅大阪飛腳。