洪禮賢講馬：多贏勁駒掂

魑魅魍魉

　　第6場四班1650米。「天下寶」唔知點解今季得1Ｗ，明明季初贏嗰場水準好高，一來締速快到痺，係季內接近40場四班該程最快。二來，姿態輕鬆得好緊要，拉士百幾米已彈甩3個幾身位，偏偏之後連跑10場，1個Ｐ都冇。今場終於落番班，應該係時候鬆綁，忽然用埋柏寶更加似樣。

　　第7場三班1800米。「多贏勁駒」上賽用阿寶反而唔好，話晒前仗追過再出補中的「大將風範」入Ｐ，剛仗卻唔覺直路有咩衝勢，但騎者亦唔見得騎得自然。輸完在準備上冇鬆懈，仲整課大閘試埋眼罩，動態好正面；轉到谷草一試，表面冇根據，但早於1月已曾試谷閘而跑得好，值得吼實。