局內人：亞洲橙王四班即搏

魑魅魍魉

　　霍利時馬房近期蠢蠢欲動，今晚有幾匹實力馬在陣，馬房消息指出，第四場「亞洲橙王」已到搏殺時候，此駒向來獨擅谷戰，尤其在上季取得甚佳成績，先後取得兩贏兩位，是牠來港後表現得最好的一季，今季亦曾取得兩場亞軍，因此評分不斷提升，年初升到上三班，面對較強的對手，自然難有作為，但經過最近三場敗仗之後，評分下調至六十分，今次可以參加四班賽事，馬房中人指出，此駒一直保持良好狀態，跑谷中 1200米是其強項，早已部署降班出擊，對手沒有那麼強，形勢有利，會有不同演出，馬房中人十分睇好，認為今戰有力爭雄。

　　有力與「亞洲橙王」一鬥者，應是兩匹質新馬「成功年代」及「厲行星」，兩駒谷戰均有過好表現，皆強配而臨，又抽得好檔位，俱有問鼎之力，值得提防。

　　方嘉柏馬房向來谷戰成績甚佳，今晚有幾匹實力馬參戰，馬房中人比較睇好第五場「大進」及第七場「智友」，前駒休息足夠，經過重新操磨之後，狀態已復水準，回師谷中1200米是其所長，馬未見底，今戰應有爭勝之機。

　　「智友」上仗佩戴眼罩上陣，情緒集中，證明配件發揮了作用，加上白德民的騎功幫助，發揮出此駒之應有實力，今番乘勇再來，增程跑1800米亦冇問題，馬房中人透露，此駒落腳已轉慢，所以才要加眼罩提升速度，今次加程跑1800米更合其後上腳法，用柏寶戰意明朗，有力再下一城。

梁杰