馬主論戰

魑魅魍魉

鍾意成功網絡

　　谷草賽事，向來都係捧啲跑法主動嘅馬有着數，今晚最鍾意第五場「成功網絡」，呢隻馬季內演出夠晒準，跑九場得一勝五位，上場正係響谷草1200 米贏馬，今次再跑同程排五檔起步，預期又可以一早搶出叫胡，再次放到絕對唔奇。

　　另外要留意第七場「引伸波幅」，同樣係靠放頭揾食，近兩仗跑田草1600同1800米，結果取得冠亞各一，表現夠晒穩定，今次轉嚟谷草1800 米上陣，對手實力唔算強，話唔定又可偷襲。

梁廷鏘

蓋世子牙出頭

　　今晚何良手馬幾惡，我相信會有頭馬交出，先推介第六場「蓋世子牙」，以往跑過三次谷草一哩獲兩亞一季，只係跑法較為被動至未能贏馬，今次吼準谷草一哩再戰，兼且初戴眼罩上陣，應該可以改善到前速，出頭在望。

　　另一匹要留意嘅何廐馬，係第二場「我跑得」，雖然只係一匹五班馬，但演出就夠晒忠心，跑過九次谷草一哩，居然全部上名，累積兩冠四亞三季，今次再跑強項路程，同場對手唔算強，應該可以贏番一仗。

任達華

星際雄師連捷

　　剛啱兩場國際一級賽，結果由「步步穩」同「爆冷」兩匹摩廐馬贏晒，馬房搏殺手風真係順，今次我照樣睇好摩廐有馬贏。最啱心水係第七場「星際雄師」，上場爆冷重開勝門，六歲馬狀態全面回勇，我睇唔會淨係得一W咁少，今場繼續跑谷草1800米，可以添食。

　　另一匹心水係第四場「成功年代」，季內唯一頭馬響谷草1200米取得，近三仗增程跑田草1400米同谷草一哩，表現只係一般，今次跑番強項兼配柏寶，點計都唔似係陪跑。

張敬山