洪禮賢講馬：奇葩繼續羸

魑魅魍魉

　　第十場三班1400米。「奇葩」由第一次出賽開始，一直表現出非一般的能力，初出「生勾勾」，閘內躁晒，直路上唔識跑直線都有本事入Ｑ，所以之後贏到馬，根本唔意外。當然，又冇諗到佢初上三班依然贏得咁輕鬆！雖然今場大幅加磅，不過對手又係嗰堆，唔應該有任何阻力。

　　第十一場一班1600米。「歡樂繽紛」跨季六場冇W有Ｑ，上賽其實好有難度，第一次升到二班，同埋由1400米轉到此程，結果仍然贏得好瀟灑，韋達去到最後200米先至肯分多兩吓韁迫隻馬，如果唔係「卓爾非凡」一度好似有點威脅，可能已經扣住過終點。從姿態伸算，負122磅在一班跑，冇咩壓力啩？！