高清睇跑馬：好利利冇對手

魑魅魍魉

　　今季總場次505田草四班1200米，「好利利」九檔起步，出閘迅速，甚至不用推騎已主動彈出，輕輕鬆鬆貼欄快放，步速絕對唔慢，因為二叠的「好辣椒」及三叠「萬事歡」，全程步步進迫，尤其後駒不斷加速希望切入，入到直路後兩駒早已力弱，但「好利利」依然大把在手，韋達輕輕推送，未落一鞭，按韁贏馬表現超班，賽後被重手加分理所當然。明日原班角逐四班勝途1200米，就算抽十二檔都不會有阻力，加上同場對手平平，篤定連捷。

　　另外，今季總場次533谷草四班1200米，「進勝福星」六檔起步，出閘反應快，豈料內側四檔的「辣得喜」沿途力騎頂實，結果前駒首彎未能切入二叠，被迫走三叠冇遮擋，直至去到對面直路中段，才有足夠空位切入二叠，雖然減少蝕位，然而大半程走三叠望空，虛耗了太多體力，所以入直路未見強勁衝刺。相反頭馬「卡加精神」全程一檔慳位，終點前「進勝福星」Q腳亦被外檔馬「皆大歡喜」後上搶走，「進勝福星」最後只得第三名，不算起眼，但由於半程蝕位，再加上末段衝刺不強，傾向均速，相信今戰加程角逐1400米更合發揮。

Sam