借題發揮：重戴鼻箍爭盃有作用 至勇威龍咪嫌熱

魑魅魍魉

　　誠如昨日同文梓峰所言，近3屆皇太后盃都係大熱門W順利捧盃，嚟到呢屆隔夜「至勇威龍」最熱，獨贏捧到得廿幾皮，唔通真係咁順利，繼續由大熱門勝出！？當然，亨利唔會單信數據，因為data其實只供參考，如果乜都唔理，盲目咁信晒，賽馬仲邊有樂趣！不過話時話，「至勇威龍」又唔係冇冠軍相噃，熱啲都冇法子。

贏預賽引證能力
　　
　　實在，根據馬房中人透露，今日胡森出馬8件，最有聲氣就係「至勇威龍」，餘下嘅「好有勝」同「非常好」，最多只係位望喎。講番「至勇威龍」，贏打吡預賽已經引證到能力，總之有本事同「極品絲綢」互有勝負，底質唔會曳得去邊，話晒「極品絲綢」之前在女皇盃只係輸少少返嚟，引伸到前駒置身三級賽，只係 117磅，一定有得揮。
　　
　　「至勇威龍」今次突然用番鼻箍，幫唔幫到就未知，但上季第1W正正係初戴呢個配件，話唔定又會起到刺激作用。至於上場唔知點解衝落唔多，只得第五名但又輸唔遠，或許之前預賽用力多未回夠氣。今次賽前有充足休息期之外，試大閘好瀟灑咁勝出，睇嚟在準備流程上做得妥當；呢類留留埋埋唧一段嘅馬，用阿杜啱 �裆梗�只要今場唔係前中段慢鬥慢，有正常偏快少少步速，以佢嘅後勁，有權一條直路掃晒。
　
亨利