數據人生：愛拼者贏交代

魑魅魍魉

　　鄭雨滇季初表現普通，風頭亦被新人王蔡明紹蓋過，但人總有高低潮，近期其搏殺手風明顯轉順，如從四月十日計起，之後連續六個賽日交出頭馬，其中四月十八日的谷草日賽更連中三元﹔雖然剛戰斷纜，但季內累積三十二W跟上季總成績一樣，今季突破四十場應非難事。

　　今日鄭雨滇跟柏寶、勞愛德睇齊騎足十場，既然胯下不乏實力分子，號召力又不及柏寶，相信部分實力坐騎亦不會熱得離譜，其中出爭第四場五班 1400米的「愛拼者贏」續爭勝途，不妨優先留意。此駒上季中從賀賢馬房加盟，起初場場均為大冷，顯然仍在試馬階段，走勢乏善足陳並不足據，但今季九仗只得季殿各一，相信練馬師應有一定壓力。

　　上仗「愛拼者贏」配韋達跑同程，排四檔臨場捧成四點六倍大熱，可惜早段未能跟上步速居後，轉彎更拉出外叠衝刺，結果蝕位下追回一席第六，落後全程跟前的頭馬「偉感」個多馬位。這次易配以往曾策騎上陣的鄭雨滇，既然他近期頻頻於1400米搏殺得手，對手實力亦是近仗較弱一次，看來已到交代時候。

　　至於近四仗均跑入前五名的「創先機」，上仗排十三檔下僅以短頭不敵「綠翔王」得第二，當打四歲馬理應選做重心，但排十二檔兼配柏寶熱上加熱，還是作配較合。另外，「齊鼓掌」近兩仗試前又試後，今次初落五班可能會即時變身，兼且霍廐近期明顯轉旺，跟紅頂白要拖。再揀要兼顧最近曾入Q的「利之寶」及「年年開心」，兩匹老馬肯定搏得就搏。

歐陽志恆