尾兩場大雨取消騎師王回水

魑魅魍魉

昨午沙田日馬在暴雨下進行，終於在跑罷第九場後，馬會鑑於跑道狀況惡劣，決定取消餘下兩場賽事。
       
馬迷獲悉取消賽事後魚貫離場，撐傘者卻不多。
利達賢：跑完九場算好

賽馬事務執行總監利達賢說：「由第二至第九場期間，沙田馬場共錄得一三八點八毫米雨量，由於已接近跑道的飽和點，加上預料在未來一小時內會再有二十毫米雨量，考慮到騎師和馬匹的安全後，決定取消餘下兩場賽事。跑道在較早場次去水良好，早段亦無接獲騎師投訴，能夠在如此大雨下完成九場賽事，實有賴跑道部同事的努力。」第十場馬匹行圈時，騎師遲遲未亮相，在場馬迷不斷發出噓聲。
       
周日補跑二班千六米

至於被取消的兩場賽事，利達賢表示考慮馬主利益後，決定於周日的賽事加插一場評分區域由95至75分的二班千六米補賽，昨日尾兩場正選馬都會有保護權優先出賽。緊接的兩場二班千六米賽事，此兩場馬匹都會有保護權。
       

由於第九場後，仍沒有任何一位騎師可以取得足夠分數贏騎師王，該彩池全部投注退款。
       
馬迷扯火：點解戰河贏完先停？

馬會取消昨午尾兩場賽事，場內場外馬迷反應不一，普遍以不滿聲音居多。
       

現場馬迷龍先生：基於騎師人身安全，我絕對同意取消餘下兩場賽事；不過馬會可以處理得更好，突然宣布取消，只會令馬迷無所適從。

網民@東尼@：之前落狗屎咁大雨就照跑，等埋戰河win完夏佳理拉埋頭馬就取消...

網民拉比奧拉：馬會有條豆腐渣跑道，又無黃紅黑雨，落一場雨就不適宜比賽。

網民joecccc：咁錫身唔好做騎師la，啲跳欄賽唔危險咩？跑馬一定有風險la，咩叫爛地馬？

（網上轉載自香港討論區）