快利多賀賢要開飯

魑魅魍魉

柏寶目前首要任務乃確保領先韋達的距離，揀馬騎理所當然，明日第十場柏寶揀新勝猶勇的柏廐馬「一言為定」無可厚非，不過鄉里賀賢亦要開飯，同場旗下「快利多」乃資深馬主黃志祥名下，縱使柏寶唔揀都唔好睇小。況且「快利多」近仗有試馬迹象，剛戰臨開跑落飛落到唔夠七倍，全程領先至最後一百米才敗，賽後操練立即轉辣，試完泥閘又連跳四課，昨晨「快利多」於七時十五分由普萊西過檔，並在大圈快跳八百米，課罷見廐主賀賢相當緊張，趕赴機坪接馬之餘又猛向阿西追問進度，重視到極！