零距離大告阿滇齊齊睇

魑魅魍魉

告達理早前以「時尚風采」問鼎英國金禧錦標，結果名落孫山兼跑跛腳，幸鎮倉寶手術後情況穩定，令他放下心頭大石。返港至今，大告一直緊守崗位，落力撚好「零距離」，期待周日捧盃一吐悶氣。
       
零距離

「零距離」過檔以來未嘗一勝，六歲馬近期例課無缺，昨晨最後試跑由鄭雨滇親自操刀，大告一早到場打點，先在烽火台睇馬，然後趕過機坪接馬，捉住阿滇密斟一大輪，動態積極。再看「零距離」今課操完神態甚佳，明日列席香港賽馬會社群盃，僅負一一二磅兼除頭罩，力爭轉倉首捷，戰意毋須懷疑。