朝早有動靜：怡勝快磨 霍利時跟到實

魑魅魍魉

　　明日沙田馬場泥草地混合賽，霍利時馬房出馬頗為踴躍，有七駒之多，不乏實力分子，包括「怡勝」、「人見人愛」、「中環英雄」、「戰士」等。近日晨課，練馬師霍利時不時奔走於烽火台及機坪之間，顯得非常忙碌，備戰之積極甚為罕見。

　　列陣第八場一班2000米之「怡勝」，此匹團體馬今季已上陣八次，尚未贏馬，早前角逐本地三級賽百周年紀念銀瓶，只以短馬頭位敗在「好日子」、「好先生」蹄下，可見競賽力仍強，明日跑一班賽，強手已去，實力佔上風。昨晨「怡勝」由副練主操，扣實而試，只見神態生猛，馬身不瘦，有火有力，狀態已回復水準，操後霍利時即由烽火台頂樓急步往機坪接馬，並陪同人馬回馬房，表現得相當緊張，今次復由最佳拍檔韋達壓陣，顯然有心贏馬兼捧盃以作交代。

　　安廐「風馳電掣」日前已由見習生梁家偉過檔，昨早再由騎者試多一課，人馬出跑道前，安哥特地向鞍上人教路，擺明有計。此駒今季轉入黃汝安馬房，跑了十多場仍未取勝，急於求功可以理解，牠在季內連仗落敗後評分已大幅下調，現居五班形勢有利，今次用梁家偉再減十磅，力足言勝。　

韋柏